नयाँ वर्ष

झुल्को नयाँ घामको लिई आयो नयाँ वर्ष

जुर्मुरायो जग यो सारा छायो प्रचण्ड हर्ष ।

बनाई हिमाल तराई नयाँ पहाड खोँच नयाँ

आयो नयाँ वर्ष लिई विचार , सोच नयाँ ।

फटाई तुँवालो , बादल कालो उज्यालो घेरेर आयो

आयो नयाँ वर्ष देशको अनुहार फेरेर आयो ।

फुलाएर अधर अधर अनमोल त्यो हर्ष

उल्टाएर युग अहो ! आयो लौ नयाँ वर्ष ।

हेर नयाँ वर्षको उज्यालो अझै बढ्दै आयो

साँच्चै नयाँ वर्ष शान्तीको मंत्र पढ्दै आयो ।