केहि त नयाँ उद्योग गरुँ

घामको उज्यालो पुग्दैन जहाँ

शिक्षाको उज्यालो सक्दछ पुग्न

शिक्षाले सिँगारे सब जनलाई

पर्दैन कहिं कतै नि झुक्न

भुलिईरहेका भाईबैनीहरु

भेंडा र बाख्रासँग बन जँगल डुल्दै

ज्ञानको नयाँ विहानी दिउँ

गाँउबस्ती सारा पाठशाला खोल्दै

ढिकी र जाँतो दाउरा घाँस सँगै

अल्मलिएका दिदीबैनीलाई

उज्यालो बाटोमा पाईला टेकाउँ

चौतर्फी नयाँ जागरण ल्याई

जीवनको हिसाब किताब भुलेर

ठगीईरहेका आमा बाहरु

सक्दछन बुझ्न जीवनको अर्थ

केहि त नयाँ उद्योग गरुँ ।